വ്യവസായ സംരംഭകർ അറിയേണ്ട എല്ലാ കാര്യങ്ങളും ഒരു കുടക്കീഴിൽ ലഭ്യമാകുന്ന രീതിയിലാണ് പുതുക്കിയ വെബ്‌സൈറ്റ് രൂപകല്പന ചെയ്തിരിക്കുന്നത്. വ്യവസായ ഡയറക്ടറേറ്റ് നൽകുന്ന വിവിധ സേവനങ്ങൾ വെബ്‌സൈറ്റിൽ അവതരിപ്പിച്ചിട്ടുണ്ട്. വ്യവസായ വകുപ്പിന്റെ വിവിധ സബ്‌സിഡി സ്കീമുകളും, ഈ സ്‌ക്കീമുകളിൽ ഓൺലൈനായി അപേക്ഷിക്കുന്നതിനുള്ള ലിങ്കും വെബ്‌സൈറ്റിൽ ലഭ്യമാണ്. സംരംഭങ്ങൾ തുടങ്ങാൻ ആഗ്രഹിക്കുന്നവർക്കും നിലവിലെ സംരംഭകർക്ക് തങ്ങളുടെ സംരംഭം കൂടുതൽ മെച്ചപ്പെടുത്താനും വെബ്‌സൈറ്റ് സഹായകമാകും. വ്യവസായ വകുപ്പിന്റെ മുഴുവൻ ഉദ്യോഗസ്ഥരുടെയും ഫോൺ നമ്പർ ഉൾപ്പെടെയുള്ള വിശദംശങ്ങൾ അടങ്ങിയ ഈ വെബ്‌സൈറ്റിലൂടെ വ്യവസായ ഡയറക്ടറേറ്റ് നൽകുന്ന സേവനങ്ങൾ അറിയുന്നതിനും ഈ സേവനങ്ങളുടെ ആനുകൂല്യം ലഭ്യമാക്കുന്നതിനും സാധിക്കും.

2022 ഫെബ്രുവരി 24 - ാം തീയതി നടന്ന ഉദ്‌ഘാടന ചടങ്ങിൽ വ്യവസായ വകുപ്പ് പ്രിൻസിപ്പൽ സെക്രട്ടറിമാരായ സുമൻ ബില്ല ഐ.എ.എസ്, എ.പി.എം മുഹമ്മദ് ഹനീഷ് ഐ.എ.എസ്, വ്യവസായ വാണിജ്യ വകുപ്പ് ഡയറക്ടർ എസ്. ഹരികിഷോർ ഐ.എ.എസ് , കെ.എസ്.ഐ.ഡി.സി എം.ഡി എം.ജി രാജമാണിക്കം ഐ.എ.എസ്, കയർ ഡയറക്ടർ ശ്രീ. വി. ആർ വിനോദ്, വാണിജ്യ വകുപ്പ് അഡീഷണൽ ഡയറക്ടർ സുധീർ. കെ, കെബിപ് സി.ഇ.ഒ സൂരജ്. എസ് കൂടാതെ വ്യവസായ വകുപ്പിലെ ഉദ്യോഗസ്ഥരും സന്നിഹിതരായിരുന്നു.