ഇന്ത്യാ ഇന്റർനാഷണൽ ട്രേഡ് ഫെയർ- 2022

ഇന്ത്യാ ഇന്റർനാഷണൽ ട്രേഡ് ഫെയർ 2022 നവംബർ 14 മുതൽ 27 വരെ ന്യൂഡൽഹി പ്രഗതി മൈദാനിൽ സംഘടിപ്പിച്ചിരിക്കുന്നു   . മേളയിൽ കേരളത്തിന്റെ വ്യവസായ വളർച്ചയുടെ നേർക്കാഴ്ചയായി വ്യവസായ വകുപ്പിന്റെ തീം സ്റ്റാൾ സജ്‌ജീകരിച്ചിട്ടുണ്ട്.

 പ്രാചീന കാലത്തെ കേരളത്തിലെ വ്യവസായത്തിന്റെ പ്രതീകമായ ഉരുവിന്റെ മാതൃക മുതൽ കേരളത്തിൽ നിർമിച്ച് ടർക്കിഷ് ,   അമേരിക്കൻ വായുസേനകൾ വരെ ഉപയോഗിക്കുന്ന അത്യന്താധുനിക വിമാന ആന്റിന വരെ സ്റ്റാളിൽ പ്രദർശിപ്പിച്ചിട്ടുണ്ട് . ട്രേഡ് ഫെയറിന്റെ  ഇത്തവണത്തെ പ്രമേയം ആയ വോക്കൽ ഫോർ ലോക്കൽ , ലോക്കൽ ഫോർ ഗ്ലോബലിനെ അധികരിച്ച് ഭൗമസൂചിക ലഭിച്ച കേരളത്തിലെ വിഭവങ്ങളും കേരളത്തിൽ നിന്ന് കയറ്റുമതി ചെയ്യുന്ന ഉത്പന്നങ്ങളും സ്റ്റാളിൽ സജ്ജീകരിച്ചിട്ടുണ്ട്. എം എസ് എം ഈ നാഷണൽ അവാർഡ് ഉത്പാദന മേഖലയിൽ സൂക്ഷ്മ വിഭാഗത്തിൽ ഒന്നാം സ്ഥാനം നേടിയ സൗപർണിക തെർമിസ്റ്റേർസ്,  രണ്ടാം സ്ഥാനവും എസ് സി വിഭാഗം ഒന്നാം സ്ഥാനവും നേടിയ ശ്രീഭദ്ര പാരമ്പര്യ ചികിത്സാലയം എന്നിവരുടെ ഉത്പന്നങ്ങളും പ്രദർശിപ്പിച്ചിരിക്കുന്നുണ്ട്.  ഭൗമ സൂചിക ലഭിച്ച ആറൻമുള കണ്ണാടി , പയ്യന്നൂർ പവിത്ര മോതിരം എന്നിവ ജന ശ്രദ്ധ  ആകർഷിക്കുന്നുണ്ട്.

തീം സ്റ്റാൾ കൂടാതെ കേരളത്തിൽ നിന്നുള്ള 8 സൂക്ഷ്മ ചെറുകിട ഇടത്തരം സംരംഭകരുടെ ഉത്പന്നങ്ങൾ വിൽക്കുന്നതിന് 4 വാണിജ്യ സ്റ്റാളുകളും വ്യവസായ വകുപ്പ് ക്രമീകരിച്ചിട്ടുണ്ട്. കേരളത്തിന്റെ തനത് വിഭവങ്ങളായ വെളിച്ചെണ്ണ, സുഗന്ധദ്രവ്യങ്ങൾ, വിവിധ ഇനം ചിപ്സ് എന്നിവ  കൂടാതെ കശുമാങ്ങ, ഇളനീർ കൊണ്ടുള്ള വിഭവങ്ങളും അത്യാധുനിക ഇലക്ട്രോണിക് ഉപകരണങ്ങളും വാണിജ്യ  സ്റ്റാളുകളിൽ ലഭ്യമാണ്.

ന്യൂഡൽഹിയിൽ വച്ച് സംഘടിപ്പിച്ച ഇന്ത്യാ അന്താരാഷ്ട്ര വ്യാപാര മേളയിൽ സ്വർണമെഡൽ നേടി കേരള പവലിയൻ

ഒരു വർഷം ഒരു ലക്ഷം സംരംഭങ്ങൾ: അഭിമാന നേട്ടവുമായി വ്യവസായ വകുപ്പ്

കേരള സർക്കാർ 2022-2023 സാമ്പത്തിക വർഷം "സംരംഭക വർഷമായി" ആചരിക്കുന്നതിന്റെ ഭാഗമായി 2022 ഏപ്രിൽ മാസത്തിൽ “ഒരു വർഷം ഒരു ലക്ഷം സരംഭങ്ങൾ ” എന്ന പദ്ധതിക്ക് തുടക്കമിട്ടിരുന്നു. ഈ പദ്ധതിയുടെ ഭാഗമായി കേരളത്തിൽ ഒരു ലക്ഷം പുതിയ സംരംഭങ്ങൾ രജിസ്റ്റർ ചെയ്തതായി ബഹുമാനപ്പെട്ട വ്യവസായ, നിയമ, കയർ വകുപ്പ് മന്ത്രി 2022 ഡിസംബർ 8-ന് പ്രഖ്യാപിച്ചു. 2022 ഏപ്രിൽ 1 മുതൽ ഡിസംബർ 7 വരെയുള്ള 250 ദിവസത്തെ കാലയളവിലാണ് ഒരു ലക്ഷം പുതിയ സംരംഭങ്ങൾ എന്ന അഭിമാനകരമായ നേട്ടം കൈവരിച്ചിരിക്കുന്നത്. ഇതിന്റെ ഭാഗമായി സംസ്ഥാനത്ത് 6274 കോടി രൂപയുടെ നിക്ഷേപവും 2,20,285 പുതിയ തൊഴിലവസരങ്ങളും സൃഷ്ടിക്കപ്പെട്ടു.

സംരംഭങ്ങളുടെ എണ്ണത്തിലും നിക്ഷേപത്തിലും തൊഴിലവസരങ്ങളും എറണാകുളം ജില്ലയാണ് മുന്നിൽ. മലപ്പുറം, തൃശൂർ ജില്ലകൾ രണ്ടും മൂന്നും സ്ഥാനം കൈവരിച്ചു. കൊല്ലം, തിരുവനന്തപുരം ജില്ലകളിൽ 9000 ത്തിലേറെ സംരംഭങ്ങൾ ആരംഭിച്ചിട്ടുണ്ട്. വ്യാവസായികമായി പിന്നാക്കം നിൽക്കുന്ന പത്തനംതിട്ട, കാസർകോട്, വയനാട്, ഇടുക്കി ജില്ലകളിലായി 13000 യൂണിറ്റുകൾ ആരംഭിക്കുകയും 28000-ത്തിലധികം തൊഴിലവസരങ്ങൾ സൃഷ്ടിക്കുകയും ചെയ്തു. പുതുതായി ആരംഭിച്ച സംരംഭങ്ങളിൽ മൂന്നിലൊന്ന് (31,785) വനിതാ സംരംഭകരുടേതാണ്. പട്ടികജാതി/പട്ടികവർഗ വിഭാഗത്തിൽപ്പെട്ട  സംരംഭകർ പ്രോത്സാഹിപ്പിക്കുന്ന 4678 പുതിയ സംരംഭങ്ങളും ഒരു ലക്ഷത്തിൽ ഉൾപ്പെടുന്നു.

ഒരുലക്ഷം പുതിയ സംരംഭങ്ങൾ ആരംഭിക്കുക എന്ന പദ്ധതിയുടെ ഭാഗമായി 145 ദിവസത്തിനുള്ളിൽ 50,000ന് മുകളില്‍ സംരംഭങ്ങൾ രജിസ്റ്റർ ചെയ്തു

2022-23 സാമ്പത്തിക വർഷത്തിൽ ഒരുലക്ഷം പുതിയ സംരംഭങ്ങൾ ആരംഭിക്കുക എന്ന പദ്ധതിയുടെ ഭാഗമായി കേരളത്തിൽ 50,000 പുതിയ സംരംഭങ്ങൾ രജിസ്റ്റർ ചെയ്തതായി ബഹു. വ്യവസായ, നിയമ, കയർ വകുപ്പ് മന്ത്രി 2022 ഓഗസ്റ്റ് 26-ന്പ്രഖ്യാപിച്ചു.  സംസ്ഥാനത്ത് പുതിയ സംരംഭങ്ങൾ പ്രോത്സാഹിപ്പിക്കുന്നതിനായി വ്യവസായവകുപ്പ് നിരവധി പ്രവർത്തനങ്ങൾ ഏറ്റെടുത്തിട്ടുണ്ട്, ഇതിന്റെ ഭാഗമായി വിവിധ സർക്കാർ വകുപ്പുകൾ, ഏജൻസികൾ, പൊതുമേഖലാസ്ഥാപനങ്ങൾ, ബാങ്കുകൾ എന്നിവ വാഗ്ദാനം ചെയ്യുന്ന സേവനങ്ങൾ പ്രയോജനപ്പെടുത്തി സംരംഭങ്ങൾ തുടങ്ങാൻ ആഗ്രഹിക്കുന്ന സംരംഭകരെ കണ്ടെത്തുകയും അവർക്കുവേണ്ട സഹായങ്ങൾ നല്‍കുന്നതിനുമായി എല്ലാ തദ്ദേശസ്ഥാപനങ്ങളിലും 1153 പ്രൊഫഷണലുകളെ നിയമിച്ചിട്ടുണ്ട്.

2022 ഏപ്രിൽ 1 മുതൽഓഗസ്റ്റ് 25 വരെയുള്ള 145 ദിവസത്തെകാലയളവിലാണ് 50,000 പുതിയസംരംഭങ്ങൾ എന്ന നേട്ടം കൈവരിച്ചിരിക്കുന്നത്. ഇതിന്റെ ഭാഗമായി സംസ്ഥാനത്ത് 2970 കോടി രൂപയുടെ നിക്ഷേപവും 1,10,185 പുതിയ തൊഴിലവസരങ്ങളും സൃഷ്ടിക്കപ്പെട്ടു. സംരംഭങ്ങളുടെ എണ്ണത്തിലും നിക്ഷേപത്തിലും തൊഴിലവസരങ്ങളിലും  മലപ്പുറം ജില്ലയാണ് മുന്നിൽ. രണ്ടാംസ്ഥാനത്ത് എറണാകുളം. തിരുവനന്തപുരം, പാലക്കാട്, കൊല്ലം, തൃശൂർ, കോഴിക്കോട് ജില്ലകളിൽ 4000ത്തിലേറെസംരംഭങ്ങൾആരംഭിച്ചിട്ടുണ്ട്. വ്യാവസായികമായി പിന്നാക്കം നിൽക്കുന്ന കാസർകോട്, വയനാട്, ഇടുക്കി ജില്ലകളിലായി 4000 യൂണിറ്റുകൾ ആരംഭിക്കുകയും 8000-ത്തിലധികം തൊഴിലവസരങ്ങൾ സൃഷ്ടിക്കുകയും ചെയ്തു.

പുതുതായി ആരംഭിച്ച സംരംഭങ്ങളിൽ മൂന്നിലൊന്ന് (16038) വനിതാ സംരംഭകരുടേതാണ്. പട്ടികജാതി/പട്ടികവർഗ വിഭാഗത്തിൽപ്പെട്ട സംരംഭകർ പ്രോത്സാഹിപ്പിക്കുന്ന 2300 പുതിയസംരംഭങ്ങളും 50,000-ത്തിൽ ഉൾപ്പെടുന്നു.

കരട് കയറ്റുമതി നയം- നിർദ്ദേശങ്ങൾ/ അഭിപ്രായങ്ങൾ ക്ഷണിക്കുന്നു

സംസ്ഥാനത്തിന്റെ  കരട് കയറ്റുമതി നയം തയ്യാറാക്കിയത് താഴെ പ്രസിദ്ധീകരിച്ചിരിക്കുന്നു. ഇതിന്മേലുള്ള നിര്‍ദേശങ്ങളും/ അഭിപ്രായങ്ങളും   This email address is being protected from spambots. You need JavaScript enabled to view it. എന്ന  ഇമെയിലില്‍ അറിയിക്കാവുന്നതാണ്. 

കയറ്റുമതി നയം കാണുന്നതിനും/ ഡൗൺലോഡ് ചെയ്യുന്നതിനും ഇവിടെ ക്ലിക്ക് ചെയ്യുക