സംരംഭക വായ്പാ പദ്ധതിയുടെ ഉദ്ഘാടനം

സംരംഭക വർഷത്തിൽ സംസ്ഥാനത്ത് ആരംഭിക്കുന്ന സംരംഭകർക്ക് 4% പലിശയ്ക്ക് ബാങ്ക് വായ്പ ലഭ്യമാക്കുന്നതിന് സ്റ്റേറ്റ് ലെവൽ ബാങ്കേർസ് കമ്മിറ്റിയുടെ നേതൃത്വത്തിൽ നടപ്പിലാക്കുന്ന വായ്പ പദ്ധതിയുടെ ഉദ്ഘാടനം തിരുവനന്തപുരം മാസ്കോട്ട്  ഹോട്ടലിൽ വച്ച് ബഹു. വ്യവസായ നിയമ കയർ വകുപ്പ് മന്ത്രി ശ്രീ. പി. രാജീവ് നിർവഹിച്ചു. പരിപാടിയിൽ ബഹു. വട്ടിയൂർക്കാവ് എം എൽ എ  ശ്രീ വി കേ പ്രകാശ് അദ്ധ്യക്ഷൻ ആയിരുന്നു. പരിപാടിയിൽ എസ് എൽ ബി സി കൺവീനർ ശ്രീ പ്രേംകുമാർ വിഷയാവതരണവും കേ എസ് ഐ ഡി സി മാനേജിങ്ങ് ഡയറക്ടർ ശ്രീ എം ജി രാജമാണിക്കം ഐ എ എസ് മുഖ്യപ്രഭാഷണം നടത്തുകയും ചെയ്തു.

വിവിധ ബാങ്കുകളിൽ ഈ പദ്ധതി പ്രകാരം വായ്പയ്ക്ക് അപേക്ഷിച്ച പതിമൂന്ന് സംരംഭകർക്ക് ബഹു. വ്യവസായ മന്ത്രി വായ്പ വിതരണം ചെയ്തു. വ്യവസായ വാണിജ്യ ഡയറക്ടർ ശ്രീ ഹരികിഷോർ ഐ എ എസ്, കേരള ഫിനാൻസ് കോർപ്പറേഷൻ എക്സിക്യൂട്ടിവ് ഡയറക്ടർ ശ്രീ  പ്രേംനാഥ്,  രവീന്ദ്രനാഥ് വ്യവസായ  അസോസിയേഷൻ പ്രതിനിധികൾ,  വിവിധ ബാങ്കുകളുടെ പ്രതിനിധികൾ എന്നിവർ സന്നിഹിതരായിരുന്നു.

2022-23 സാമ്പത്തിക വർഷം ആരംഭിക്കുന്ന സംരംഭകർക്ക് ആവശ്യമായ വായ്പകൾക്കായി ഒരു പൊതു പോർട്ടൽ വഴി വിവിധ ബാങ്കുളിലേക്കുള്ള അപേക്ഷ സ്വീകരിക്കുന്ന പദ്ധതിയാണിത്. ഇതിനായുള്ള പോർട്ടർ ഓഗസ്റ്റ് ഒന്നോട് കൂടി പ്രവർത്തനം ആരംഭിക്കുന്നതാണ് . സംരംഭകർക്ക് വായ്പ 4% പലിശ നിരക്കിൽ ലഭ്യമാക്കുന്നതിനായി വ്യവസായ വകുപ്പ് പ്രത്യേകം പലിശ ഇളവ് പദ്ധതി തയ്യാറാക്കിയിട്ടുണ്ട്. സംരംഭക വർഷവുമായി ബന്ധപ്പെട്ട് വ്യവസായ വകുപ്പ് തദ്ദേശ സ്വയംഭരണ സ്ഥാപനങ്ങളിൽ നിയമിച്ചിട്ടുള്ള ഇന്റേണുകളുടെ പ്രവർത്തനം വിലയിരുത്തുന്നതിനുള്ള സോഫ്റ്റ്വെയറിന്റെ ഉദ്ഘാടനവും ബഹു. വ്യവസായ വകുപ്പ് മന്ത്രി പ്രസ്തുത പരിപാടിയിൽ വച്ച് നിർവഹിച്ചു.

ഓ എൻ ഡി സി ശില്പശാല

ഓപ്പൺ നെറ്റ്‌വർക്ക് ഫോർ ഡിജിറ്റൽ കൊമേഴ്‌സ് സംവിധാനം കേരളത്തിലെ സംരംഭകർക്ക് പരിചയപ്പെടുത്തുതിനുള്ള ഒരു ശില്പശാല തിരുവനന്തപുരത്തെ ഹോട്ടൽ റെസിഡൻസി ടവറിൽ 22 ജൂലായ് 2022 ന് രാവിലെ 10:30 നു സംഘടിപ്പിച്ചു. ബഹുമാനപ്പെട്ട ചീഫ് സെക്രട്ടറി ഡോ  വി  പി ജോയ് ഐ എ എസ ശില്പശാല ഉദ്‌ഘാടനം ചെയ്തു. വ്യവസായ വകുപ്പ് പ്രോൻസിപ്പൽ സെക്രട്ടറി ശ്രീ സുമൻ  ബില്ല ഐ എ  എസ് അദ്ധ്യക്ഷത നിർവഹിച്ചു.

ഡിജിറ്റൽ വിപണനത്തിന്റെ വിവിധ തലങ്ങളിൽ ഓപ്പൺ നെറ്റ്‌വർക്ക് സംവിധാനഹത്തിന്റെ സാദ്ധ്യതകൾ പ്രോത്സാഹിപ്പിക്കുന്നതിനുള്ള ഒരു ഉദ്യമം ആണ്  ഓപ്പൺ നെറ്റ്‌വർക്ക് ഫോർ ഡിജിറ്റൽ കൊമേഴ്‌സ് (ഓ എൻ ഡി സി). ഡിജിറ്റൽ വിപണനം പ്ലാറ്റുഫോമുകൾക്ക് അതീതമാക്കുന്നതിനുള്ള ഒരു സ്വതന്ത്ര ഓപ്പൺ നെറ്റ്‌വർക്ക് സംവിധാനം ആണ് ഓ എൻ ഡി സി.

ഓ എൻ ഡി സി ചീഫ് എക്സികൂട്ടിവ് ഓഫീസർ ശ്രീ തമ്പി കോശി, ചീഫ് ബിസിനസ് ഓഫീസർ ശ്രീ ശിരീഷ്  ജോഷി , നെറ്റ്‌വർക്ക് എക്സ്പാൻഷൻ ശ്രീ ധ്രുവ് മംഗൾ എന്നിവർ നയിച്ച ശില്പശാലയിൽ ഓ എൻ ഡി സി യെ കുറിച്ചും അതിന്റെ സാധ്യതകളെ കുറിച്ചും പ്ലാറ്റഫോമിലേക്ക് ഓൺബോർഡ് കുറിച്ചും വിശദമാക്കിയത് കൂടാതെ ഓ എൻ ഡി സി നെറ്റ്‌വർക്ക് പ്രവർത്തനം ഡെമോൺസ്‌ട്രേറ്റ് ചെയ്യുകയും ചെയ്തു. ഓ എൻ ഡി സി യുമായും അവരുമായി ബന്ധപ്പെട്ട ചില സ്ഥാപനങ്ങളുടെ പ്രതിനിധികളുമായും സംവദിക്കാൻ പങ്കെടുത്തവർക്ക് അവസരം നൽകുകയുണ്ടായി. കേരളത്തിൽ ഇ-കൊമേഴ്‌സ് പ്ലാറ്റഫോം ഉള്ള സ്വകാര്യ, സർക്കാർ  പൊതുമേഖലാ സ്ഥാപനങ്ങളുടെ ഉദ്യോഗസ്ഥർ ശില്പശാലയിൽ പങ്കെടുത്തു.

 

സിഡ്ബി ക്ലസ്റ്റർ ഡെവലപ്മെന്റ് ഫണ്ട് അർദ്ധ ദിന ശില്പശാല

സിഡ്ബി ഡപ്യൂട്ടി ജനറൽ മാനേജർ ശ്രീ കേ വി കാർത്തികേയൻ, സിഡ്ബി മാനേജർ ശ്രീമതി സ്മൃതി ബാജ്പെയ് എന്നിവർ നയിച്ച പരിപാടിയിൽ സിഡ്ബി പദ്ധതികളെ കുറിച്ചും ക്ലസ്റ്റർ വികസന പരിപാടിയെ പറ്റിയും വിശദീകരിക്കുകയുണ്ടായി. വ്യവസായ വാണിജ്യ ഡയറക്ടറേറ്റ് , കേ എസ് ഐ ഡി സി , കിൻഫ്ര , റിയാബ്, കേബി പ് , കീഡ് മുതലായ സ്ഥാപനങ്ങളിൽ നിന്നുള്ള ഉദ്യോഗസ്ഥർ ശിൽപശാലയിൽ പങ്കെടുത്തു. തങ്ങളുടെ പദ്ധതികൾ സിഡ്ബി നിബന്ധനകൾക്ക് അനുസൃതമായി പുന:ക്രമീകരിച്ച് പ്രപോസലുകൾ സമർപ്പിക്കുമെന്ന്  വിവിധ ഏജൻസികൾ അറിയിച്ചു.

ഈസ് ഓഫ് ഡൂയിംഗ് ബിസിനസ്സ് റാങ്കിംഗിൽ കേരളത്തിന് മികച്ച നേട്ടം

        കേന്ദ്ര വ്യവസായ മന്ത്രാലയത്തിനു കീഴിലുളള ഡിപ്പാർട്ട്മെന്റ് ഫോർ പ്രൊമോഷൻ ഓഫ് ഇൻഡസ്ട്രി ആന്റ് ഇന്റേണൽ ട്രേഡ് (ഡി.പി.ഐ.ഐ.ടി) അഖിലേന്ത്യാതലത്തിൽ നടത്തിയ ഈസ് ഓഫ് ഡൂയിങ് ബിസിനസ്സ് വിലയിരുത്തലിൽ കേരളം അസ്പെയറർ വിഭാഗത്തിൽ ഇടം നേടി. ബിസിനസ്സ് റീഫോം ആക്ഷൻ പ്ലാൻ നടപ്പിലാക്കി അവയുടെ ഉപയോക്താക്കളിൽ നടത്തിയ അഭിപ്രായ സർവ്വേയുടെ വെളിച്ചത്തിൽ ടോപ്പ് അച്ചീവേഴ്സ്, അച്ചീവേഴ്സ്, അസ്പയറർ, എമേർജിങ് ബിസിനസ്സ് എക്കോസിസ്റ്റംസ് എന്നിങ്ങനെ നാലുതരത്തിലാണ് സംസ്ഥാനങ്ങളിലെ ഈസ് ഓഫ് ഡൂയിങ് ബിസിനസ്സ് നേട്ടങ്ങൾ വിലയിരുത്തപ്പെട്ടത്. 2019-ലെ ഇരുപത്തെട്ടാം സ്ഥാനത്ത് നിന്ന് അഭിപ്രായ സർവ്വേയിൽ 75.49 ശതമാനം സ്കോർ നേടിക്കൊണ്ടാണ് അഭിമാനകരമായ ഈ നേട്ടം കൈവരിച്ചിരിക്കുന്നത്.

സിഎസ് ഡി കാന്റീനുകളിൽ ഇ-കൊമേഴ്സ് സംവിധാനം ഉടൻ; എംഎസ്എംഇകൾക്ക് ഗുണപ്രദമെന്ന് വ്യാപാർ സെമിനാർ

കൊച്ചി: പ്രതിരോധ സേവനങ്ങളുമായി ബന്ധപ്പെട്ട ഗുണഭോക്താക്കൾക്ക് സാധനങ്ങൾ ഓൺലൈനായി വാങ്ങുന്നതിനായി കാന്റീൻ സ്റ്റോര്സ് ഡിപ്പാര്ട്ട്മെന്റ് (സിഎസ് ഡി) ഇ-കൊമേഴ്സ് സൗകര്യങ്ങൾ പ്രാപ്തമാക്കുന്നതിനുള്ള തയ്യാറെടുപ്പിലാണെന്ന് സിഎസ് ഡി ജനറല് മാനേജർ മേജർ ജനറൽ വൈ.പി. ഖണ്ഡൂരി പറഞ്ഞു. ഡിജിറ്റൽ പ്ലാറ്റ്ഫോം സ്ഥാപിക്കാനുള്ള നീക്കത്തിന് ജൂലൈ ഒന്നിന് ചേരുന്ന സിഎസ്ഡി ബോര്ഡ് യോഗം അന്തിമരൂപം നല്കുമെന്നും സംസ്ഥാന വ്യവസായ വാണിജ്യ വകുപ്പിന്റെ വ്യാപാർ 2022 സെമിനാറിൽ സംസാരിക്കവേ പ്രതിരോധ മന്ത്രാലയത്തിലെ ഉന്നത ഉദ്യോഗസ്ഥൻ പറഞ്ഞു.

രാജ്യത്തിന്റെ വിദൂര ഭാഗങ്ങളില് എത്തിക്കേണ്ടതിനാല് ഫ്രീസര് സ്റ്റോറേജ് ആവശ്യമുള്ള സാധനങ്ങള് സിഎസ് ഡി വിതരണം ചെയ്യുന്നില്ല. ന്യായവിലയാണ് കാര്യക്ഷമമായ സപ്ലൈ-ചെയിന് മാനേജ്മെന്റുള്ള സിഎസ് ഡി കാന്റീനുകളുടെ സവിശേഷത. നിലവില് 2,000 ജീവനക്കാര്ക്കു പുറമേ 10,000 പേര്ക്ക് പരോക്ഷമായി സിഎസ് ഡി കാന്റീന് തൊഴില് നല്കുന്നുണ്ടെന്നും ഖണ്ഡൂരി കൂട്ടിച്ചേര്ത്തു.

വ്യവസായ സംരംഭകരുടെ വര്ഷമായി ആചരിക്കുന്ന 2022-23ല് കേരളത്തില് ഇതുവരെ 14,000 എംഎസ്എംഇ യൂണിറ്റുകള് രജിസ്റ്റര് ചെയ്തിട്ടുണ്ടെന്ന് ഡയറക്ടറേറ്റ് ഓഫ് ഇന്ഡസ്ട്രീസ് (ഡിഐസി) എറണാകുളം ജനറല് മാനേജര് പി.എ. നജീബ് പറഞ്ഞു. ഈ സാമ്പത്തിക വര്ഷം 100 കോടി രൂപയിലധികം സബ്സിഡിയായി വിതരണം ചെയ്തു. കൂടാതെ 2195 എംഎസ്എംഇകള് കെ-സ്വിഫ്റ്റ് വഴി ലൈസന്സ് നേടുകയും 22,206 പേര്ക്ക് അക്നോളജ്മെന്റ് സര്ട്ടിഫിക്കറ്റ് നല്കുകയും ചെയ്തു. വിവിധ മേഖലകളില് സംരംഭകരുടെ സംശയങ്ങളും ആശങ്കകളും പരിഹരിക്കാനുള്ള സംവിധാനമായാണ് ഭരണകൂടം എംഎസ്എംഇ ക്ലിനിക്കുകള് വിഭാവനം ചെയ്തിരിക്കുന്നതെന്നും അദ്ദേഹം കൂട്ടിച്ചേര്ത്തു.

ആമസോണ് ഇന്ത്യന് ചാപ്റ്ററിന്റെ സംഭരണ നടപടിക്രമങ്ങളെക്കുറിച്ച് ആമസോണ് കരിഗറിന്റെയും ആമസോണ് സഹേലിയുടെയും പ്രോഗ്രാം മാനേജരായ ശ്വേത ബറവാനി വിശദീകരിച്ചു.